X
"პროკურორს შემიძლია ბოტასი ვაჩუქო, მისთვის გასაგები იქნება" - გიორგი რურუას სიტყვები და სიმბოლური ჟესტი სასამართლოზე
20:44 / 20-11-2019
თბილისის საქალაქო სასამართლომ დააკმაყოფილა პროკურატურის შუამდგომლობა და ტელეკომპანია „მთავარი არხის“ ერთ-ერთი მეწილის, ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით დაკავებულ გიორგი რურუას აღკვეთის ღონისძიების სახით პატიმრობა შეეფარდა.

აღნიშნული გადაწყვეტილება მოსამართლე რომან ხორავამ რამდენიმე წუთის წინ გამოაცხადა. სასამართლო პროცესზე, ბრალდების მხარემ ღკვეთის ღონისძიების სახით პატიმრობა მოითხოვა, პროკურორის თქმით, არსებობს ბრალდებულის მიმალვის და მის მიერ ახალი დანაშაულის ჩადენის და მიმალვის საფრთხე.

"ბიძინა ივანიშვილის მონები ხართ", - გაისმა სასამართლო დარბაზში გადაწყვეტილების გამოცხადების შემდეგ.

ამასთან ბრალდებულმა პროცესზე განაცხადა, რომ პროკურორ ვასილ სამხარაძეს თავის ბოტასს ჩუქნის.

აღსანიშნავია, რომ სასამართლო პროცესზე, მოსამართლემ გიორგი რურუას ადვოკატის, ნიკა გვარამიას შუამდგომლობა დააკმაყოფილა და “მთავარ არხს” სასამართლოს სხდომის ტრანსლირების უფლება მისცა.

ცნობისთვის, გიორგი რურუა სამართალდამცავებმა სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის 18 ნოემბერს დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს და 4-დან 7 წლამდე თავისუფლების აღკვეთას ითვალისწინებს.
ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა