მუქი წითელი ცა, სრული სიბნელე და კვამლი: ავსტრალიაში ხანძარი ძლიერდება, ათასობით ადამიანი თავის გადასარჩენად წყალშია შესული - პალიტრა ვიდეო

ტყის ხანძარმა ავსტრალიის სანაპირო ქალაქ მალაკუტას მიაღწია, სადაც ათასობით ადგილობრივი და დამსვენებელი თავის გადასარჩენად წყალში შევიდა, - ამის შესახებ ინფორმაციას "ბიბისი" ავრცელებს.

გამოცემის ცნობით, სოციალურ ქსელში ვრცელდება კადრები, სადაც ჩანს მუქი წითელი ცა, სრული სიბნელე და კვამლი.

გავრცელებული ინფორმაციით, ადამიანები, რომელთა შორის უმეტესობა ტურისტია, წყალში არიან შესულები სხვა სანაპირო ქალაქებშიც, მათ შორის ახალი სამხრეთ უელსის შტატის ქალაქ ბერნაგუიში.