რა პირობებში უწევთ მუშაობა ავსტრალიელ მეხანძრეებს: ხელისუფლება მოსახლეობას თავშესაფრის მოძებნისკენ მოუწოდებს - პალიტრა ვიდეო

ავსტრალიაში ქარის გაძლიერებამ ხანძრის ახალ ტერიტორიებზე გავრცელების საფრთხე წარმოქმნა. ამ ინფორმაციას BBC ავრცელებს. გამოცემის ცნობით, ახალი სამხრეთ უელსის შტატში ქარმა მიმართულება შეიცვალა და მისი სიჩქარე 128 კმ.სთ.-ს აღემატება. განსაკუთრებით რთული ვითარება შტატის ქალაქ ედენშია, სადაც ხელისუფლებამ ევაკუაციის ბრძანება გასცა. ხანძრის ჩაქრობას მთელი ქვეყნის მასშტაბით ათასობით მეხანძრე, პოლიციელი და მოხალისე ცდილობს.

ავსტრალიაში ხანძრის შედეგად გარდაცვლილთა რაოდენობა 23-მდე გაიზარდა. დაკარგულად კი 20-ზე მეტი ადამიანი ითვლება.

ამ დროისათვის ავსტრალიაში ტყის ხანძრის შედეგად, 4 მილიონ ჰექტარი ტერიტორია დაიწვა და 1000-ზე მეტი სახლი განადგურდა. ახალი სამხრეთ უელსის შტატის სახანძრო სამსახურის ინფორმაციით, შტატში ხანძრის 127 კერა ფიქსირდება.