აჭარის ტელევიზიის თანამშრომლების მხარდამჭერი აქცია ბათუმში
"საზოგადოებრივი მაუწყებელი საზოგადოებისაა!", - ამ ლოზუნგით საზოგადოებრივი მაუწყებლის აჭარის ტელევიზიისა და რადიოს თანამშრომლების მხარდამჭერი აქცია სხვადასხვა მედიაში მომუშავე ჟურნალისტებმა გამართეს. შეკრებილებმა კოლეგებს სოლიდარობა გამოუცხადეს და ტელევიზიაში მიმდინარე პროცესები გააპროტესტეს. არხის ჟურნალისტები აცხადებენ, რომ ახლად არჩეული დირექტორი და მრჩეველთა საბჭოს ნაწილი სარედაქციო პოლიტიკის შეცვლას ცდილობს. მათი თქმით, ტელევიზიაში დირექტორისთვის არასასურველი კადრების დევნა მიმდინარეობს.