იტალიაში ახალი კორონავირუსის, კოვიდ-19-ის გავრცელების შედეგად გარდაცვლილთა მაჩვენებელი ევროპაში ყველაზე მაღალია. ვირუსს უკვე 107 ადამიანი ემსხვერპლა, 2 706 კი ინფიცირებულია. მთავრობამ ყველა სასწავლო დაწესებულება დახურა.

პრემიერ-მინისტრი ჯუზეპე კონტე და მთავრობის წარმომადგენლები ბერგამოში, მილანის მახლობლად კარანტინის ზონის გაფართოების გეგმას განიხილავენ.

მინისტრთა კაბინეტი ახალ შეზღუდვებზე მუშაობს, რომელიც მთელი ქვეყნის ტერიტორიაზე, 30 დღის განმავლობაში იმოქმედებს. შესაძლებელია, აიკრძალოს ხელის ჩამორთმევა, გადაკოცნა, საზოგადოებრივი თავშეყრის ადგილებში დაწესდეს დისტანცია ერთი მეტრის რადიუსში.

გადაიდება კონფერენციები და ბიზნესშეხვედრები. ფეხბურთის მატჩები შედგება, თუმცა მაყურებლების გარეშე.