X
"სრული განუკითხაობაა, ბედის ანაბარა ვართ მიტოვებულები" - სოხუმელი ექიმი კორონავირუსის პანდემიასთან დაკავშირებით არსებულ მძიმე ვითარებას აღწერს
14:47 / 23-03-2020
აფხაზეთში, რესპუბლიკური საავადმყოფოს ერთ-ერთმა მთავარმა ექიმმა სოციალურ ქსელში პოსტი გამოაქვეყნა, რომელშიც ის საუბრობს, თუ როგორ მიმდინარეობს კორონავირუსთან ბრძოლა. მისი თქმით, არანაირი ბრძოლა და ზომების მიღება არ ხდება. ე.წ. მიმდინარე არჩევნებზე დამკვირვებლებიც და ამომრჩევლებიც დამცავი ნიღბების გარეშე არიან. არც დისტანციის ან სხვა ზომები არის დაცული.

მისი თქმით, რამდენიმე დღის წინ რესპუბლიკურ საავადმყოფოში მივიდა პაციენტი, რომელიც საქართველოში გადიოდა ქირურგიულ მკურნალობას. მას აღენიშნებოდა მშრალი ხველება, მაღალი ტემპერატურა და საერთო სისუსტე. მორიგე ექიმებმა ოპერატიულად შეატყობინეს ეპიდემიოლოგიურ სამსახურს, მათგან კიი მიიღეს პასუხი, რომ შაბათი და კვირა არასამუშაო დღეებია და პაციენტი ორშაბათისთვის დაიბარეს. ავადმყოფი სახლში წავიდა.

"შტაბი საერთოდ ვერ მუშაობს. ნორმალურ სახელმწიფოში გააუქმებდნენ არჩევნებს და დახურავდნენ საარჩევნო უბნებს, გადადებდნენ ქორწილებს, დახურავდნენ მაღაზიებს, რესტორნებს და სასტუმროებს, დაკეტავდნენ ყველაფერს, გარდა აფთიაქებისა და სასურსათო მაღაზიებისა; შეზღუდავდნენ ადამიანების გარეთ გასვლას განსაკუთრებული საჭიროებების გარეშე. ჩვენს ქვეყანაში არაფერი მსგავსი არ გაკეთებულა. დღეს ჩვენ არანაირი მთავრობა არ გვყავს. სრული განუკითხაობაა, ჩვენ ბედის ანაბარა ვართ მიტოვებულები", - ამბობს ექიმი.

ის მიმართავს ხალხს, რომ სახელმწიფო არ დაეხმარება და საჭიროა თვითონ ადამიანებმა იზრუნონ საკუთარ თავზე, თუ არადა, შემდეგ უკვე გვიანი იქნება. ექიმი ყველა იმ ძირითადი რეკომენდაციის დაცვისკენ მოუწოდებს ხალხს,  რაც ვირუსის პრევენციას უწყობს ხელს.
"პანიკა არ არის საჭირო, მაგრამ მე დარწმუნებული ვარ, რომ ვირუსი უკვე მოვიდა ჩვენთანაც", - ასრულებს ექიმი.

ბოლო სიახლეები
Autoplay
პოპულარული
რა ინციდენტი შეემთხვა გუშინ გია სურამელაშვილს რესტორანში - რას ამბობს მომღერლის პროდიუსერი და რას აცხადებენ შსს-ში
არქეოლოგებმა ჩვ. წ. აღ-მდე XV-XIV საუკუნეების სამარხი და ადამიანის ნეშტი აღმოაჩინეს
3 წლის გაუჩინარებული გოგონას საქმეს 13 წლის შემდეგ ახალი ეჭვმიტანილი ჰყავს - ბრიტანეთში მომხდარი ტრაგედია, რომელზეც სერიალიც კი შექმნეს
"5 თვეა ვეძებ შვილს და ვერ ვპოულობ" - ფოთში დაკარგული 31 წლის ირაკლი ჯაბუას ოჯახი დახმარებას ითხოვს
"ნეტა, გადამეღო ყველაფერი" - ექსკლუზიური ინტერვიუ ფოტოგრაფთან, რომელმაც 19 წლის გიორგი შაქარაშვილი ბოლოს ნახა
პუტინის ქალიშვილების 7 უცნობი ფოტო, რომლებიც რუსეთიდან გაქცეულმა ბანკირმა  გაასაჯაროვა
გიორგი გახარიას რეაქცია, როცა პარლამენტში პრემიერის სიტყვით გამოსვლამდე ხმაური იყო - "ათქმევინე, რა"
"ლაწირაკო, უზრდელო, მაიმუნო!" - სიტყვიერი და ფიზიკური დაპირისპირება „ნაციონალური მოძრაობის“ პოლიტსაბჭოს წევრსა და აქტივისტს შორის