სავარაუდოდ, სამართალდამცავი - მოქალაქეს: "დაგიმტვრევ მაგ ნეკნებს, ნეკნებს ამოგაცლი" - რა ხდება "კომენდანტის საათის" დროს თბილისის ერთ-ერთ უბანში - პალიტრა ვიდეო

Palitravideo.ge-ს თბილისის ერთ-ერთ უბანში გადაღებული ეს ვიდეო ანონიმურმა წყარომ მიაწოდა. ვიდეოს ავტორის თქმით, კადრები ახლახანს, ე.წ. კომენდანტის საათის პერიოდშია გადაღებული. კადრებში ისმის ფრაზა - "დაგიმტვრევ მაგ ნეკნებს, ნეკნებს ამოგაცლი", რომლითაც სამართალდამცავი მოქალაქეს მიმართავს. 

ვიდეოს ეს ფრაგმენტი არ იძლევა დასკვნის გაკეთების საშუალებას, თუ რა უძღოდა წინ სამართალდამცავის მიერ, მოქალაქისთვის ამგვარი სიტყვებით მიმართვას. ჩვენ ვაქვეყნებთ კონფლიქტის ამსახველ იმ კადრებს, რომელშიც ისმის, რომ სამართალდამცავი მოქალაქეს, რომელიც ე.წ. კომენდანტის საათისას ქუჩაში კანონდარღვევით გადაადგილდებოდა, აგრესიული სიტყვებით მიმართავს.