ხაზარაძემ ახალი ლოგო და კამპანია წარადგინა
"ლელო საქართველოსთვის" თავმჯდომარემ, მამუკა ხაზარაძემ პოლიტიკური ორგანიზაციის ახალი ლოგო და კამპანია - "ახალი ძალა, ახალი იმედი" საზოგადოებას და მედიას წარუდგინა. ამის შესახებ "ინტერპრესნიუსს" პოლიტიკური გაერთიანება "ლელო საქართველოსთვის" პრესსამსახურიდან აცნობეს. მამუკა ხაზარაძის განცხადებით, პოლიტიკური მოძრაობის - "ლელო საქართველოსთვის" ახალი ლოგოტიპი გამარჯვებისა და მშვიდობის სიმბოლოა. პარტიის ლიდერების განცხადებით, პანდემიის შემდგომ მსოფლიოს ახალი იმედი და ახალი ძალით განვითარება სჭირდება. ამიტომ "ლელო საქართველოსთვის" მზადაა, კრიზისის ფონზე აჩვენოს მასშტაბური წარმატების და გამარჯვების მაგალითები.