ისრაელის ელჩის პირველი განმარტება, რატომ სთხოვა მისმა ქვეყანამ საქართველოს ტურისტული მიმოსვლის აღდგენის გადადება - პალიტრა ვიდეო

ქვეყანა, რომელმაც საქართველოს ტურისტული მიმოსვლის აღდგენის გადადება სთხოვა, ისრაელია. ისრაელი აღარ იქნება პირველი ქვეყანა, საიდანაც, როგორც ანონსდებოდა, 1-ლი ივლისიდან საქართველო ტურისტებს მიიღებს. არადა, სულ ცოტა ხნის წინ პრემიერ-მინისტრი გახარია აცხადებდა, რომ სავარაუდოდ, ისრაელი იქნებოდა პირველი ქვეყანა, საიდანაც საქართველო ტურისტებს მიიღებდა, თუმცა პრემიერი ახლა იმას ამბობს, რომ ეპიდემიოლოგიური მდგომარეობის მოულოდნელი გაუარესების გამო ზოგიერთმა ქვეყანამ და მათ შორის, ისრაელმაც, „ცოტა ხნით დალოდება“ ითხოვა.

რატომ მიიღო ისრაელმა ასეთი გადაწყვეტილება, ამ კითხვით "პალიტრავიდეოსთან" ისრაელის ელჩი რა რან გიდორი საუბრობს. 

ავტორი: ეკა აბაშიძე