კახეთში, საგარეჯოში მცხოვრებ მამაკაცს PCR ტესტით ახალი კორონავირუსი დაუდასტურდა
კახეთში, საგარეჯოში მცხოვრებ მამაკაცს pcr ტესტით ახალი კორონავირუსი დაუდასტურდა. ინფიცირებული თბილისის ერთ-ერთ კლინიკაში გამოკვლევაზე იმყოფებოდა, საეჭვო სიმპტომების გამოვლენის შემდეგ კი კვლევა ჩაუტარეს, რამაც დადებითი პასუხი აჩვენა. ფაქტს ადასტურებენ დაავადებათა კონტროლის კახეთის რეგიონულ განყოფილებაში. განყოფილების ხელმძღვანელის, ნელი ხიზანიშვილის თქმით, დაინფიცირების წყარო ამ დროისთვის გაურკვეველია, თუმცა გამოვლენილია 18 კონტაქტი და ყველა მათგანი გადაყვანილია საკარანტინო ზონაში.