"ცოტა კი არა, კარგად მოვეშვით, შევიქმენით ილუზია, რომ კოვიდი დავამარცხეთ" - ამირან გამყრელიძე მოსახლეობას მიმართავს
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ილუზია შეიქმნა, თითქოს საქართველოში კოვიდ 19 დამარცხდა.
ამირან გამყრელიძე მოსახლეობას მოუწოდებს, დახურულ და ღია სივრცეებში პირბადეები ატარონ, წინააღმდეგ შემთხვევაში ქვეყანაში ინფექცია გავრცელდება.
"კოვიდინფექცია ქვეყანაში ცირკულირებს და თუ არ დაიცავთ ელემენტარულ რეკომენდაციებს, იქნება საშიშროება, რომ ინფექცია გავრცელდება", - ამბობს გამყრელიძე.