რა სიახლეებს სთავაზობს ალექსანდრე ლუკაშენკოს ხელისუფლება ხალხს - პალიტრა ვიდეო

ბელარუსის პრეზიდენტი ალექსანდრე ლუკაშენკო აცხადებს, რომ ხელისუფლება ხალხს ცვლილებებს შესთავაზებს, რაც საზოგადოებას წინ წაიყვანს. ამის შესახებ ლუკაშენკომ ქვეყნის უზენაესი სასამართლოს თავმჯდომარესთან სამუშაო შეხვედრის დროს განაცხადა. "ვისურვებდი ამ ცვლილებებმა ჩვენი ქვეყანა წინ წაიყვანოს. ასეთ ცვლილებებს მოვითხოვთ და შევთავაზებთ ჩვენს ხალხს", - განაცხადა ლუკაშენკომ.

პრეზიდენტმა აღნიშნა, რომ ამჟამად სპეციალისტები, მათ შორის საკონსტიტუციო სასამართლოს მოსამართლეები, ქვეყნის ძირითად კანონში შესატან ცვლილებებზე მუშაობენ, შემდეგ კი განახლებულ კონსტიტუციის პროექტს საჯარო განხილვაზე გაიტანენ.