ვინ დაექვემდებარება იზოლაციას ან კარანტინს საქართველოში შემოსვლისას და ვინ არა? - აეროპორტების გაერთიანება განცხადებას ავრცელებს
საქართველოს აეროპორტების გაერთიანების ცნობით, უცხო ქვეყნიდან ჩამოსული საქართველოს მოქალაქეები, აგრეთვე მათი ოჯახის წევრები, თვითიზოლაციაში 8 დღით განთავსდებიან. უცხო ქვეყნიდან ჩამოსულმა პირმა სასაზღვრო პუნქტებზე უნდა წარადგინოს საქართველოში ვიზიტამდე უკანასკნელი 72 საათის განმავლობაში ჩატარებული PCR კვლევის დამადასტურებელი საბუთი, რის შემდგომაც დაექვემდებარება თვითიზოლაციაში გადასვლას. ასევე, თუ პირი ვერ წარმოადგენს PCR ტესტს, დაექვემდებარება სავალდებულო წესით საკარანტინე სივრცეში გადაყვანას.