"პანდემია გადაივლის, თუმცა..." - გიორგი გახარია
მთავრობის მეთაურმა მოუწოდა მოქალაქეებს, 31 ოქტომბერს გააკეთონ თავიანთი არჩევანი, რადგან, პრემიერის თქმით, ეს არის თითოეული მოქალაქის პასუხისმგებლობა ქვეყნის მომავლის წინაშე. მისი თქმით, საარჩევნო უბანზე ვირუსის გავრცელების რისკი მინიმუმამდე იქნება დაყვანილი და გათვალისწინებული იქნება ყველა ის წესი, რომლებიც რეკომენდებულია ეპიდემიოლოგების მიერ. პრემიერი ამბობს, რომ ზოგიერთ სავაჭრო ცენტრში ვიზიტი შეიძლება ბევრად უფრო მაღალი რისკის შემცველი იყოს, ვიდრე ხმის მიცემის პროცედურის გავლა.