"რატომ დაგაკომპლექსათ ამ სააკაშვილმა? რა გეშინიათ ყველას?" - ნიკა მელია და გუბაზ სანიკიძე ერთმანეთს პირდაპირ ეთერში დაუპირისპირდნენ - პალიტრა ვიდეო

„ნაციონალური მოძრაობის“ ერთ-ერთი ლიდერი ნიკა მელია და გუბაზ სანიკიძე „მთავარი არხის“ პირდაპირ ეთერში ერთმანეთს დაუპირისპირდნენ. დაპირისპირება საქართველოს მესამე პრეზიდენტთან, მიხეილ სააკაშვილთან დაკავშირებით გაკეთებულ განცხადებას მოჰყვა. გუბაზ სანიკიძემ თქვა, რომ ბიძინა ივანიშვილს არცერთი მათგანის არ ეშინია და დადგა დრო, რომ სააკაშვილი ჩამოვიდეს.

აღნიშნულზე ნიკა მელიამ სანიკიძეს უპასუხა, რომ მას ოპოზიციაში ხინჯი შეაქვს. საბოლოოდ ნიკა მელია და გუბაზ სანიკიძე სტუდიიდან გავიდნენ. არსებული ინფორმაციით, სტუდიაში დაწყებული დაპირისპირება სტუდიის გარეთ ფიზიკურში გადაიზარდა.