ორმა შეიარაღებულმა პირმა თბილისის ზღვის ჰოსპიტალი დააყაჩაღა
თბილისის ზღვის ჰოსპიტალი დააყაჩაღეს. ჰოსპიტლის აღმასრულებელი დირექტორის, დიმიტრი შავდიას ინფორმაციით, წაღებულია თანხა. დირექტორის განცხადებით, შენობაში 2 შეიარაღებული პირი შევიდა, რომლებსაც დაცვის ერთმა თანამშრომელმა გაუწია წინააღმდეგობა, თუმცა მათ თანხის წაღება მაინც მოახერხეს. შემთხვევის შედეგად დაშავებულები არ არიან. ამოღებულია კამერების ჩანაწერებიც.