1-ლი თებერვლიდან კლინიკების ნაწილისთვის ახალი გადაწყვეტილება ამოქმედდება - რა შეტყობინება მიიღეს კლინიკებმა ჯანდაცვის სამინისტროსგან?
ჯანდაცვის მინისტრის მოადგილის, თამარ გაბუნიას ინფორმაციით, ამ დროისთვის, ქვეყანაში კორონავირუსის მართვისთვის განკუთვნილი 3000-მდე საწოლია თავისუფალი და ჰოსპიტალურ სექტორში კოვიდდადასტურებული 3710 პაციენტი მკურნალობს. როგორც გაბუნიამ აღნიშნა, ჯანდაცვის სამინისტრომ კლინიკების ნაწილს გაუგზავნა შეტყობინება იმის თაობაზე, რომ 1-ლი თებერვლიდან ისინი დაუბრუნდნენ მულტიპროფილური სერვისების მიწოდებას და დაახლოებით 350 საწოლი დაუბრუნდება ჩვეულ რეჟიმში მუშაობას.