"იყო მომენტები, როდესაც შემთხვევები შემცირდა, ძალიან სწრაფად გახსნეს ქვეყნები, რამაც ვირუსის დაბრუნება გამოიწვია", - ჯანმო-ს ხელმძღვანელი - პალიტრა ვიდეო

ჯანდაცვის მსოფლიო ორგანიზაციის გენერალური დირექტორის, ტედროს ადანომ გებრეიესუსის განცხადებით, უკვე მესამე კვირაა, რაც მსოფლიოში კორონავირუსით ინფიცირების ახალი შემთხვევები კლებულობს.

როგორც ჯანმო-ს ხელმძღვანელმა ჟენევაში გამართულ ვირტუალურ ბრიფინგზე განაცხადა, ინფიცირების შემთხვევების კლების ტენდენცია იმის მაჩვენებელია, რომ პანდემიის კონტროლი შესაძლებელია, თუმცა, მისივე თქმით, მსოფლიო ამ ეტაპზე სხვა დროსაც ყოფილა და მოდუნების დრო არ არის.