შავ ზღვაში უკრაინული ეკიპაჟის გემი ჩაიძირა, არის მსხვერპლიც - პალიტრა ვიდეო

რუმინეთის სანაპიროებთან, შავ ზღვაში, 13-წევრიანი ეკიპაჟის გემი ჩაიძირა. გემზე მხოლოდ უკრაინის მოქალაქეები იმყოფებოდნენ. hotnews.ro-ს ცნობით, სულ მცირე, 2 ადამიანი გარდაიცვალა. 

გემი Volgo Balt 17 როსტოვიდან კონსტანცისკენ მიემართებოდა. ჩაძირვის მიზეზად უამინდობა სახელდება. წყაროს ცნობით, ზღვაში ტალღების სიმაღლე 4 მეტრს აღწევდა. 

როგორც ცნობილია, ჯერჯერობით 10 ადამიანია გადარჩენილი, ხოლო ერთი დაკარგულია და სამძებრო სამუშაოები კვლავ მიმდინარეობს. 

გემი 1973 წელს იყო აგებული.