X
ჟერარ დეპარდიე ქართულ ფილმში ითამაშებს
15:41 / 08-04-2021
რეჟისორი მერაბ კოკოჩაშვილი მუშაობს ფილმზე - "ტერცო მონდო“, რომელსაც საფუძვლად უდევს აკა მორჩილაძის ამავე სახელწოდების მოთხრობა. როგორც ირკვევა, ფილმის დიდი ნაწილი უკვე გადაღებულია და დარჩენილია ის მონაკვეთები, რომლებიც საზღვარგარეთ უნდა გადაიღონ.

ეროვნული კინოცენტრის ინფორმაციით, გადაღებები რამდენიმე ქალაქში მიმდინარეობს. ფილმში მთავარ როლებს ასრულებენ ლევან წულაძე, დუტა სხირტლაძე და ქეთა შათირიშვილი. საინტერესოა ის ფაქტი, რომ ფილმში როლები ექნებათ მსოფლიო დონის ვარსკვლავებს: ჟერარ დეპარდიესა და როზი დე პალმას. ამის შესახებ ფილმის პროდიუსერი ხათუნა ხუნდაძე კინოცენტრის მიერ გამოქვეყნებულ ვიდეოში საუბრობს.

მისივე თქმით, ფილმი სამი მეგობრის შესახებ მოგვითხრობს.

"ფილმი მოგვითხრობს სამი მეგობრის შესახებ. ეს არის ამბავი მათი სიყვარულის, დაპირისპირების შესახებ და ეს ყველაფერი ხდება ნაწილობრივ პოლიტიკურ ნიადაგზე და რა თქმა უნდა, სიყვარულის ნიადაგზე.

არის ძალიან მასშტაბური ფილმი იმიტომ, რომ გადაღებები გვაქვს სხვადასხვა ქალაქში, სხვადასხვა სეზონზე და სხვადასხვა ქვეყანაშიც კი. გასაგებია, რომ ეს იწვევს გარკვეულ პრობლემებს იმასთან დაკავშირებით, რომ საზღვარგარეთ გადაღება სხვა ფინანსებს მოითხოვს. ამ პანდემიურ სიტუაციაში ფინანსების მოპოვება და საზღვარგარეთ გასვლაც კი გართულებულია... მაგრამ მიხარია, რომ კინოცენტრმა შეძლო და რაღაც გარკვეული თანხა კიდევ მეორეჯერ დაგვემატა და შევძელით, რომ კიდევ რაღაც ნაწილი წავამატოთ ფილმს და ფაქტობრივად, გვრჩება გადასაღები მხოლოდ უცხოეთის ნაწილი და მე ძალიან დიდი იმედი მაქვს, რომ ამასაც შევძლებთ.

თანხმობა გვაქვს უკვე მსოფლიოს ორი ვარსკვლავისგან. ესენი გახლავთ ჟერარ დეპარდიე და როზი დე პალმა, ანუ საზღვარგარეთის გადაღებები უნდა მოხდეს მათთან ერთად. ეს, ბუნებრივია, ფილმის მასშტაბს ზრდის როგორც ფინანსურს, ისე შინაარსობრივს. ორივეს ძალიან საინტერესო როლი აქვს. ისინი ერთმანეთს სკაიპით და ჩატით ესაუბრებიან საქართველოზე, ქართულ ღვინოზე, ქართულ კულტურაზე“ - ამბობს ხათუნა ხუნდაძე.

ვიდეოს წყარო: GNFC - Georgian National Film Center
ბოლო სიახლეები
Autoplay
პოპულარული
“ეს არის სენსაცია! ნიკა მელია შეიძლება ვიხილოთ მმართველ გუნდში... მელიაც და კობახიძეც სწორ ნაბიჯებს დგამენ“ - ლელა კაკულია ვიდეოს აქვეყნებს
ლელა წურწუმია პირდაპირ ეთერში ატირდა - აჩიკო მეფარიძის უმძიმესი ისტორია, რომელიც არავინ იცოდა
როდის მთავრდება გოგონებში ზრდა და რა ფაქტორები მოქმედებს სიმაღლეზე?
ნინო ჩხეიძისა და ირაკლი კაკაბაძის ახალმა დუეტმა ინტერნეტი ააფეთქა - რა მოხდა გადაცემის მსვლელობისას?
“თოვლჭყაპია რა, გუნდა არ კეთდება არაფერი“ - კახა კალაძე სოციალურ ქსელში მორიგ ხუმრობას აქვეყნებს
“წამიერად მოშორდა ბავშვს და ისევ თავს დაესხა, ახლა უკვე ორივე... ძლივს მოვიდა სახლამდე“ - რა მოხდა დიდ დიღომში?
"ჩავარდა ეს ეთერი, მორჩა კინო... მთავარია, რომ არ გამაგდონ სამსახურიდან“ - ჟურნალისტმა და რესპოდენტმა პირდაპირ ეთერში სიცილი ვერ შეიკავეს 
“მიყვარხარ პატრიარქო“ - უწმინდესისა პატარა ბიჭის ემოციურმა ვიდეომ ინტერნეტი დაიპყრო