"გული გაუჩერდა. ფილტვში იყო უკვე გადასული ლობიოს მარცვალი" - უბედური შემთხვევა თბილისში - 2 წლის ბავშვს ლობიოს მარცვალი გადასცდა და დაიღუპა
თბილისში, ისნის რაიონში უბედური შემთხვევის შედეგად 2 წლამდე ბავშვი გარდაიცვალა. ინფორმაციას "ინფო რუსთავი" ავრცელებს.
გავრცელებული ინფორმაციით, ბავშვს მოუხარშავი ლობიოს მარცვალი გადასცდა. მისი გადარჩენა ვერ მოხერხდა.
"წაიყვანეს კლინიკაში და გაუკეთდა ოპერაცია, მაგრამ გული გაუჩერდა. ფილტვში იყო უკვე გადასული ლობიოს მარცვალი", - უყვება ოჯახის ახლობელი "ინფო რუსთავს".
გარდაცვლილი ბავშვის ოჯახი სამეგრელოდანაა, თუმცა, არსებული ინფორმაციით, ისინი თბილისში ცხოვრობდნენ.
