დონბასში სეპარატისტებმა კერძო სახლებს ნაღმმტყორცნებით ესროლეს - პალიტრა ვიდეო

17 აპრილს, საღამოს, სეპარატისტებმა 120 მმ-იანი ნაღმმტყორცნით ზაიცევოს დასახლების სახლებს ესროლეს. ინფორმაციას მე-10 სამთო-მოიერიშე ბრიგადა ავრცელებს.

აღსანიშნავია, რომ ამ იარაღის გამოყენება, მინსკის ხელშეკრულების მიხედვით, აკრძალულია. ცეცხლი სავარაუდოდ 19:00-ზე გაიხსნა.

საცხოვრებელ სახლებში, რომლის ტერიტორიაზე ნაღმები ჩამოვარდა, არც სამხედროები იმყოფებოდნენ და არც საბრძოლო იარაღი ინახებოდა.

საბედნიეროდ, იერიში მსხვერპლისა და დანაკარგების გარეშე დასრულდა.