მიტროპოლიტის 12 წლის დისშვილი დააბეს და ფულით სავსე ტომრების ადგილის თქმას აიძულებდნენ - შოკისმომგვრელი ყაჩაღობის დეტალები
"კურიერის" მიერ მოპოვებული საქმის მასალებით დგინდება, რომ გასული წლის აგვისტოში მიტროპოლიტ საბა გიგიბერიას ოჯახზე განხორციელებული შეიარაღებული თავდასხმა წინასწარ დაგეგმილი და სავარაუდოდ, შეკვეთილი კრიმინალური ქმედება იყო.
თავდამსხმელებმა ხელ-ფეხი თოკებით შეუკრეს სასულიერო პირის დას, 90 წლის დედას, 12 წლის დისშვილს და დამხმარე ქალს.
მიტროპოლიტის 12 წლის დისშვილის ჩვენების მიხედვით, ის თავდამსხმელებმა ოჯახის სხვა წევრებთან ერთად დააბეს და სთხოვდნენ ეღიარებინა, სად ინახავდა მღვდელმთავარი ფულით სავსე ტომრებს.