“მინდა გაჩვენოთ ალტერნატიული შემოთავაზება“ - ვარლამ გოლეთიანი პროტესტის გასაგრძელებლად შეთავაზებული ადგილების შესახებ საუბრობს
„ნამახვანჰესის“ მოწინააღმდეგეთათვის პროტესტის გასაგრძელებლად შეთავაზებული 13-ვე ადგილი მიუღებელი აღმოჩნდა.
„რიონის ხეობის მცველებმა“ ალტერნატიული მონაკვეთები დღეს დაათვალიერეს.
მათი თქმით, არცერთი ადგილი პროტესტის გასაგრძელებლად მოსახერხებელი არ არის და მათთვის საფრთხის შემცველია.
მათივე განცხადებით, ჰესის მშენებლობის მოწინააღმდეგეები პროტესტის პირვანდელ ადგილზე დაბრუნებას მოითხოვდნენ, თუმცა ხელისუფლების პოზიციაა, რომ ტერიტორია კომპანიის საკუთრებაა.
პროტესტი გუმათში გაგრძელდება, ვიდრე მხარეები ახალ შეთანხმებას არ მიაღწევენ.