ირაკლი ღარიბაშვილის ახალი ინიციატივა მრავალშვილიანი ოჯახებისთვის და ასევე წყვილებისთვის, რომლებსაც შვილი შეეძინებათ - "ამით შეძლებენ გაიუმჯობესონ საცხოვრებელი პირობები" - პალიტრა ვიდეო

საქართველოს პრემიერ-მინისტრმა ირაკლი ღარიბაშვილმა, პარლამენტში, ანგარიშისა და ქვეყნის განვითარების ათწლიანი გეგმის წარდგენისას განაცხადა, რომ მთავრობა, ოჯახებისთვის საცხოვრებელი ბინების შეძენის ხელშეწყობის მიზნით, ახალ პროგრამას იწყებს.

მისივე თქმით, მრავალშვილიან ოჯახებს, ასევე ოჯახებს რომელთაც შეეძინებათ შვილი, საშუალება ექნებათ ისარგებლონ იპოთეკური სესხის სუბსიდირებით და ამით შეიქმნან/გაიუმჯობესონ საცხოვრებელი პირობები.