"კოვიდპასპორტებთან" დაკავშირებით საფრანგეთში დიდი პროტესტებია
საფრანგეთში ათასობით მოქალაქე იმ შეზღუდვებს აპროტესტებს, რომელთა დაწესებასაც მთავრობა აგვისტოდან გეგმავს. საუბარია შეზღუდვებზე, რომელთა თანახმადაც, რესტორნებში, ბარებში, სავაჭრო მოლებსა და კინოთეატრებში ადამიანები ვაქცინის დამადასტურებელი სერტიფიკატის გარეშე არ დაიშვებიან. თუკი ვაქცინის დამადასტურებელ დოკუმენტს ვერ წარადგენენ, მაშინ უარყოფითი PCR ტესტის საფუძველზე შეძლებენ ამა თუ იმ დაწესებულებაში შესვლას.