კიევის ოლქში 34 წლის კაცმა თავის ცოლი გაგუდა, რომელთან ერთად 16 წელი ცხოვრობდა. მოკვლის მიზეზი გახდა, ის რომ გვიან ღამე ცოლმა საჭმლის გაკეთებაზე უარი თქვა. შესაბამისი სიუჟეტი უკრაინულ მედიაში ვრცელდება.

აღსანიშნავია, რომ მკვლელობამდე, კაცმა ცოლთან იკამათა. მოგვიანებით, ღამე მას საჭმლის გაკეთება მოსთხოვა, რაზეც უარი მიიღო. შემდეგ კი მოხრჩობა დაუწყო, რის გამოც ქალი გარდაიცვალა.


მეუღლის მოკვლის შემდეგ, კაცი დასაძინებლად წავიდა. მომდევნო დღეს მან გარდაცვლილის ახლობლებს დაურეკა და განუცხადა, რომ ქალი ღამე გარდაიცვალა, თუმცა მოგვიანებით ბრალი აღიარა.


კაცს 7-დან 15 წლამდე თავისუფლების აღკვეთა ელის.