“რუსეთმა პირველ რიგში უნდა გაიყვანოს ჯარები საქართველოს ტერიტორიიდან“ - აშშ-ის ელჩი
“ასეთი ტიპის გზავნილები რუსეთის მხრიდან ქართველებს ადრეც მოუსმენიათ, თუმცა საქართველომ ეს განცხადება სერიოზულად რომ აღიქვას, რუსეთმა პირველ რიგში უნდა გაიყვანოს თავისი ჯარები საქართველოს ტერიტორიიდან“, - ასე აფასებს აშშ-ს ელჩი საქართველოში, კელი დეგნანი რუსეთის საგარეო უწყების განცხადებას, რომლის თანახმად რუსეთი საქართველოსთან ურთიერთობების აღდგენისთვის მზად არის იმ დონეზე, რამდენადაც ამისთვის ქართული მხარეა მზად.
დეგნანის განცხადებით, დიალოგისა და მსგავსი საკითხების გადასაწყვეტად შესაბამისი მექანიზმი ჟენევის საერთაშორისო ფორმატით მოლაპარაკებების განხორციელება იქნება.