"ნამახვანჰესის" პროექტი "ენკასგან" შეიძლება სხვა კომპანიამ გამოისყიდოს" - ირაკლი ღარიბაშვილი
"არავინ იცის, რამდენის გადახდა მოგვიწევს. თუ კომპანია დაგვტოვებს, საქმეში ჩაერთვება დამოუკიდებელი აუდიტორული კომპანია, რომლის დანახარჯის მოცულობას შეაფასებს და ამის მიხედვით მოლაპარაკება შედგება. შეიძლება სხვა კომპანიამ გამოისყიდოს, უამრავი ვერსია და ვარიანტი არსებობს. ამიტომ პრობლემას ვერ ვხედავ", - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა, რითაც "ნამახვანჰესის" პროექტის შეჩერება შეაფასა.