"თუ ეს გაგრძელდება და თუ ამას დაუყონებლივ არ დაესმება წერტილი, ის სამედიცინო მკურნალობას შეწყვეტს" - რა ახალი მოთხოვნა აქვს მიხეილ სააკაშვილს?
"ბოლო დღეების მანძილზე დეპუტატებს არ ეძლევათ საშუალება, მიხეილ სააკაშვილს შეხვდნენ. დეპუტატებს სრული უფლება აქვთ, შეხვდნენ მას. ამ ყველაფერს აკეთებენ იმისთვის, რომ სააკაშვილის პოლიტიკური საქმიანობა შეზღუდონ. მიხეილ სააკაშვილს აქვს ძალიან მკაფიო პოზიცია - თუ ეს გაგრძელდება და თუ ამას დაუყონებლივ არ დაესმება წერტილი, ის გორის ჰოსპიტალში მიმდინარე სამედიცინო მკურნალობას შეწყვეტს და მიიღებს მხოლოდ იმ მედიკამენტებს, რომელსაც იღებდა მანამდე, სანამ საქართველოში ჩამოვიდოდა", - ამის შესახებ ადვოკატმა, ბექა ბასილაიამ ჟურნალისტებს განუცხადა.