X
“ომიკრონი” უკვე შეიცვალა... მარტივად რომ ვთქვათ, გაორდა“ - გიორგი ფხაკაძე საზოგადოებას აფრთხილებს
16:39 / 08-12-2021

“ახალი კოვიდის ვარიანტი “ომიკრონი”. რა სიახლეები გვაქვს. ის უკვე შეიცვალა ან, უფრო მარტივად რომ ვთქვათ, გაორდა. არსებული კოვიდის "ომიკრონის" ვარიანტი B.1.1.529, უფრო მარტივად, არის BA.1, ხოლო ახალი ვარიანტი, ანუ ახალი განშტოება კი არის BA.2. სტანდარტული პსრ ტესტი ხედავს, რომ არის კოვიდი (რაც კარგი ამბავია), მაგრამ ვერ ადგენს კონკრეტულად ამ ახალ BA.2. ვარიანტს.

დღეს უკვე ცნობილია, რომ გავრცელების სიჩქარით "ომიკრონის" ვარიანტი უფრო სწრაფად ვრცელდება, ვიდრე "დელტა" ვარიანტი. ჯერჯერობით არ არის დაზუსტებული, სხვა ვარიანტებთან/შტამებთან შედარებით უფრო აგრესიულია თუ არა.

საქართველოს მოსახლეობის 20%-მდე არის სრულად აცრელი (ამაზე ნუ ვიდავებთ), რაც ზრდის საავადმყოფოების გადატვირთვის საშიშროებას და, შედეგად, მაღალ სიკვდილიანობას.
საქართველოს საზღვრები კოვიდისთვის აბსოლუტურად „ღიაა“, განსაკუთრებით, ახალი ვარიანტის შემოსასვლელად, რადგან საქართველოში შემომსვლელებს, რომლებიც ვაქცინირებულები არიან, არ ვთხოვთ პსრ ტესტს (ორჯერ/სრულად აცრილებმაც შეიძლება შემოიტანო SARS-CoV-2-ის რომელიმე ვარიანტი). შვეიცარიამ და დიდმა ბრიტანეთმა ორშაბათიდან შეცვალეს საზღვრის კვეთის რეგულაცია. საქართველომ სასწრაფოდ უნდა გადადგას შემდეგი ნაბიჯები:
ქვეყანაში ყველა შემოსულმა ადამიანმა საზღვარზე უნდა წარადგინოს:
შემოსვლამდე 72 საათით ადრე აღებული პსრ უარყოფითი ტესტის პასუხი, საქართველოში კი მე-4 და მე-7 დღეს უნდა გააკეთოს პსრ ტესტი
https://www.bag.admin.ch/.../quarantaene-einreisende.html

უკვე აცრილებს, განსაკუთრებით, ინაქტივირებული (სინოფარმი/სინოვაკი) და ვექტორული (ასტრაზენეკა) ვაქცინებით აცრილებს ზოგადად; ფაიზერებით აცრილებს (მეორე დოზიდან 5 თვის შემდეგ) და კოვიდგადატანილებს:
აქამდეც გირჩევდით და ახლაც - დროულად გაიკეთეთ ბუსტერი (მე-3 დოზა), გთხოვთ. ან თუ გადატანის გამო არ იცრებით - აიცერით "ომიკრონის" ძალიან ფართო გავრცელებისას ეს კიდევ უფრო მნიშვნელოვანი იქნება, დიდი ალბათობით.
მესამე დოზას/ბუსტერს მე ყველა შემთხვევაში მ-რნმ ვაქცინით (ფაიზერი ან მოდერნა) გავიკეთებდი. ცხადია, ისეთი იშვიათი გამონაკლისები არ იგულისხმება, როცა იგივე ვაქცინის გაკეთება აღარაა რეკომენდებული, მაგალითად, კონკრეტულ ვაქცინაზე ანაფილაქსიური რეაქცია და სხვა.
თუ ფაიზერით არის ადამიანი აცრილი, ბუსტერის სახით სტანდარტულად კეთდება ერთი დამატებითი დოზა.
საქართველოში თუ აცრილი ხართ სხვა ვაქცინით და ფაიზერით იბუსტებით, სტანდარტულად აკეთებენ ერთ დოზას. თუმცა, თუ, მაგალითად, მოგზაურობისთვის ორჯერადად ფაიზერით აცრა გჭირდებათ - აკეთებთ შესაბამის მოთხოვნას და ცრიან ორჯერ - 21 დღის ინტერვალით. ამისთვის რომელიმე იმ ქვეყანაში გასაფრენი ბილეთის ჯავშანი უნდა წარადგინოთ (მაგალითად, საფრანგეთი), სადაც მხოლოდ ფაიზერით აცრილებს უშვებენ. გაითვალისწინეთ, რომ ბილეთის თარიღი ისე იყოს, რომ ბოლო, ანუ მეორედ აცრიდან 2 კვირა იყოს გასული.
ჯანმრთელობას გისურვებთ“ - წერს გიორგი ფხაკაძე.
ბოლო სიახლეები
Autoplay
პოპულარული
“ამას ნაღდად არ ველოდი! იმათმა კარგად გადააკოპირეს და ორიგინალი ჩვენია“ - ვიდეო, რომელიც ინტერნეტში ნახვების რეკორდს ხსნის
“სასწრაფოდ მოსაგვარებელია! ძალიან ბევრ პაციენტს დანიშნული აქვს ერთი და იგივე“ - წამლები, რომლებიც შეიძლება არ გვჭირდებოდეს და მაინც ფულს ვხარჯავთ
"ძველი საყვარლებივით გავიპარეთ... რომ დავთვერით თითქმის უგონოდ, პირველად მითხრა" - როგორ ულოცავს ნათია ფანჯიკიძე მეუღლეს დაბადების დღეს
“თანხა იყო ძალიან შთამბეჭდავი, მაგრამ უარი ვთქვი“ - რა შემთხვევა გაიხსენა გიორგი უშიკიშვილმა პირველად ეთერში?
უნიკალური შემთხვევა სამშობიაროში - “პატარამ ძალიან იჩქარა და ქვეყნად ყველაზე დიდი სასწაულის მომსწრე გაგვხადა“
სოფო ნიჟარაძე ელის-მარიას ახალ ვიდეოს აქვეყნებს - კადრები ვარსკვლავური დედა-შვილის ბინიდან
მამა ნიკოლოზმა მრევლს 100-100 ლარი დაურიგა - რა კადრები ვრცელდება ინტერნეტში?
“სამ დღეში მინუს 2 კილო“ - თათია სულუაშვილი კვების საგანგებო რეჟიმს გვიზიარებს