X
რატომ იგვიანებს სასწრაფო?
12:59 / 10-11-2012
თბილისში სასწრაფო გადაუდებელი სამედიცინო დახმარების 12 ფილიალი და 80 ბრიგადაა. თუმცა სასწრაფოს არაოპერატიულობაზე ბოლო ხანებში ხშირად ლაპარაკობენ. ქუჩის გამოკითხვის მიხედვით, მოსახლეობის აზრით, სასწრაფო სამედიცინო დახმარების ყველაზე დიდი პრობლემა სწორედ დაგვიანებაა.

მარია ექსერს სასწრაფო სამედიცინო დახმარების გამოძახება ორი დღის წინ დასჭირდა, როცა ჰიპერტონიით დაავადებული დედა ცუდად გაუხდა. სასწრაფო მოვიდა, თუმცა საათნახევრის დაგვიანებით. გამოძახების ანკეტაში ჩანს, რომ ბრიგადამ შეტყობინება პაციენტთან მისვლამდე 15 წუთით ადრე მიიღო.

სასწრაფოს ექიმებიც უკმაყოფილო პაციენტებზე საუბრობენ. უფროსი ექიმი ნატო მაქაძე ამბობს, რომ ერთი ბრიგადა დღეში საშუალოდ 16-20 გამოძახებას ასრულებს: "20 მისამართიდან 6-7-8 პაციენტი შეიძლება იყოს უკმაყოფილო დაგვიანებით. დრო დაგვიანების ყოფილა ნახევარი საათი, ოცი წუთი, ერთი საათი, ორი საათი."

სამედიცინო დახმარების ბრიგადების კოორდინაცია-გამოძახება და გაშვება საგანგებო სიტუაციების მართვის სამსახურის, სსიპ 112-ის საშუალებით ხდება. შესაძლოა, სასწრაფოს დაგვიანების მიზეზი ამ ცენტრის ხარვეზია. თუმცა საბოლოო პასუხს ჯანდაცვის სამინისტრო დადებს, რომელმაც ამ პრობლემის შესწავლა უკვე დაიწყო. "კომისიის მუშაობის შემდეგ დაიდება დასკვნა, რომელიც გამოავლენს ჩვენს სიკეთეებსაც და თუ იქნება რაიმე ტიპის ხარვეზი, ამასაც დაგვანახებს. შესაბამისად, დაისახება გზები ამის გამოსწორების" - ამბობს სამედიცინო დახმარების ცენტრის დირექტორის მოადგილე რუსუდან ბერიაშვილი.

რა დასკვნა დაიდება, რა ხარვეზებს გამოააშკარავებს და რა ტიპის რეფორმას ჩაატარებს ჯანდაცვის სამინისტრო, ჯერჯერობით უცნობია. მოქალაქეებს კი ისღა დარჩენიათ, რომ პრობლემის გადაჭრამდე არ გახდნენ ავად.
ბოლო სიახლეები
Autoplay
პოპულარული
“გაგვაჩუმა მთელი ოჯახი“ - პირდაპირ ეთერში ჟურნალისტის უხერხული კადრები გაიპარა, გუგა ქაშიბაძე სახალისო ვიდეოს აქვეყნებს
“COVID19-ისგან თავის დაცვის კიდევ ერთი მარტივი გზა“ - ყველასთვის ხელმისაწვდომი ხერხი, რომელიც გიორგი ღოღობერიძემ გაავრცელა
“ალტერნატიული “ცხელი ხაზი“, 4000 პირბადე, 1100 სადეზინფექციო ხსნარი“ - კოვიდინფიცირებულები უფასო დახმარების მიღებას შეძლებენ
“ქართულ უკრაინული ოჯახიც შედგა“ - გიორგი ბარამიძე დაქორწინდა
მეცნიერებმა გამოიგონეს ხელოვნური კანი, რომელსაც ტკივილის შეგრძნება შეუძლია
“დღეს “სითი მოლში“ ნახეს ქალბატონი რომელიც შოპინგობდა, არადა მას დადასტურებული კოვიდი აქვს!“- ია ფარულავა მოსახლეობას აფრთხილებს
“რაც ნოდარა მელაძეა ტვ პირველზე, ეთერში სულ ეგ ზის“- თამარ ჩერგოლეიშვილი მიხეილ სააკაშვილზე
ამაღელვებელი ვიდეო - ქართველმა მასწავლებელმა მოსწავლეს, რომელიც ონლაინ გაკვეთილებს ვერ ესწრებოდა, მობილური აჩუქა