ბაჩო ახალაიასთან დაკავშირებით ვრცელდებოდა ინფორმაცია, რომ ის არის მონსტრი, ამიტომ ყველასთვის უცნაურია სისხლის სამართლებრივი დევნა უფლებამოსილების გადამეტებით - თამარ ჩუგოშვილი
ბაჩო ახალაიასთან დაკავშირებით წლების განმავლობაში ვრცელდებოდა ინფორმაცია, რომ ის არის მონსტრი, ამიტომ ყველასთვის იყო უცნაური, რომ სისხლის სამართლებრივი დევნა დაიწყო უფლებამოსილების გადამეტებით, - განაცხადა საქართველოს ახალგაზრდა იურისტთა ასოციაციის თავმჯდომარე თამარ ჩუგოშვილმა რადიო "პალიტრას" (103.9) გადაცემა "რეზიუმეში" ანდერს ფოგ რასმუსენის განცხადების კომენტირებისას. ჩუგოშვილის აზრით, მიუხედავად იმისა, რომ საზოგადოება მოითხოვს დამნაშავეების დასჯას, სწორედ მათ საქმეებში უნდა იყოს გადაწყვეტილებები ყველა სამართლებრივი სტანდარტის დაცვით მიღებული.