იაპონიაში ძლიერმა ქარიშხალმა სახლებს სახურავები ახადა
იაპონიის ცენტრალურ და ჩრდილოეთ ნაწილებში ძლიერი ქარიშხალია. ჯერჯერობით არავინ დაშავებულა, თუმცა ქარმა რამდენიმე სახლს სახურავი ახადა და ელექტროსადენები გაწყვიტა. ბევრგან სარკინიგზო მიმოსვლა შეფერხდა, დაიხურა რამდენიმე აეროპორტი. ქარის სიჩქარე 130 კილომეტრ/სთ-ს აღწევს. მეტეოროლოგებმა მოსახლეობა გააფრთხილეს, რომ ძლიერ ქარს შეიძლება, მთიან რეგიონებში თოვლიც დაემატოს.