ხმაური ეკომიგრანტების გამოსახლებისას აჭარაში
აჭარაში, ხელვაჩაურის რაიონში ეკომიგრანტებსა და სამართალდამცავებს შორის ინციდენტი მოხდა, - ინფორმაციას ამის შეახებ ტელეკომპანია ”მაესტრო” ავრცელებს. სკოლის ყოფილ შენობაში, რომელიც მუნიციპალიტეტის ბალანსზეა, ისინი 4 დღის წინ შევიდნენ. 100 ოჯახი, რომელიც ხულოს რაიონიდანაა, თავშესაფრის გარეშეა დარჩენილი. როგორც ისინი აცხადებენ, მათი სახლები მეწყერსაშიშ ზონაში მდებარეობს და იქ ცხოვრება საშიშია. ადგილზე ხელვაჩაურის მუნიციპალიტეტის გამგებელიც მივიდა. მისი განმარტებით, შენობა ამორტიზებულია. მიუხედავად ამისა, ეკომიგრანტები მის დატოვებას არ აპირებდნენ.