ძლიერმა ქარიშხალმა კუნძულ სამოაზე ათობით სახლი გაანადგურა
წყნარი ოკეანის კუნძულ სამოას ძლიერი ქარიშხალი დაატყდა თავს. ციკლონმა სახელად "ევანსი", უკვე 2 ადამიანის სიცოცხლე იმსხვერპლა. სტიქიის შედეგად განადგურდა სახლები, დაიტბორა ქუჩები, გამოირთო ელექტროენერგია. ქარიშხალს, ქვეყნის დედაქალაქ აპიაში მდინარის ადიდებაც დაერთო თან, რომელმაც მოგლიჯა ხეები და წალეკა მანქანები.