ვიდეოჩანაწერი იმის სადემონსტრაციოდ წარმოვადგინეთ, რომ ჩვენი განცხადება რეალურ საფუძვლებს ემყარება -არჩილ კბილაშვილი
ეს არ არის ჩვეული და რიგითი დანაშაული, რადგან იგი ზნეობის თვალსაზრისითაც დასაგმობია, - განაცხადა მთავარმა პროკურორმა არჩილ კბილაშვილმა რადიო "პალიტრის" გადაცემა "რეზიუმეში" პროკურატურის მიერ გავრცელებული ფარული ვიდეოჩანაწერის შესახებ საუბრისას. კბილაშვილის განცხადებით, იგი ვერ ხედავს პრობლემას იმაში, რომ ის მტკიცებულება, რომელიც საზოგადოებას უჩვენეს, იმის სადემონსტრაციოდ იყო წარმოდგენილი, რომ პროკურატურის განცხადება რეალურ საფუძვლებს ემყარება.