38 წლის სოციალურად დაუცველმა ქალმა თვითმკვლელობა სცადა - პალიტრა ვიდეო

"ზაკვოს" შენობაში შესახლებული სოციალურად დაუცველების ინფორმაციით, 38 წლის ქალმა თვითმკვლელობა სცადა. მეზობლების ინფორმაციით, სოციალურად დაუცველი 38 წლის ხ.კ. გუშინ, 17 თებერვალს, დაახლოებით 03.00 საათზე "ზაკვოს" შენობის მეორე სართულიდან გადახტა.

მათი ცნობით, ხ.კ. მრავლობითი დაზიანებით სასწრაფო დახმარების ბრიგადამ რესპუბლიკურ საავადმყოფოში გადაიყვანა და მისი მდგომარეობა ამ დროისთვის უკიდურესად მძიმეა.

როგორც ერთ-ერთი სოციალურად დაუცველი აცხადებს, ხ.კ. "ზაკვოს" შენობაში რამდენიმე თვის განმავლობაში უკიდურესად გაჭირვებულ მდგომარეობაში, მარტო ცხოვრობდა. მან გუშინ მეზობლებს ტკივილგამაყუჩებელი წამლის საყიდლად 20-20 თეთრის შეგროვება სთხოვა.

სოციალურად დაუცველების ინფორმაციით, ხ.კ. ისევე, როგორც ყველა მათგანი, ალტერნატიული ფართით დაკმაყოფილებას ითხოვს.