ვაშინგტონში სროლის შედეგად 13 ადამიანი დაშავდა
ვაშინგტონში მანქანიდან გახსნილი ცეცხლის შედეგად 13 ადამიანი დაშავდა. მათ შორის კრიტიკულ მდგომარეობაშია ერთი მათგანი. ინციდენტი შუაღამისას საცხოვრებელი კორპუსის წინ მოხდა. ახლომდებარე კამერებმა თავდასხმის მომენტი დააფიქსირეს. პოლიციის განცხადებით, შეიარაღებულმა პირებმა შენობასთან მდგომ ხალხს გაუხსნეს ცეცხლი. დაშავებულთა უმრავლესობამ ჭრილობები ხელების და ფეხების არეში მიიღო, ყველაზე მძიმედ დაშავებულს კი ტყვია ზურგში მოხვდა. ზუსტად ერთი წლის წინ იგივე ქუჩაზე იდენტური თავდასხმა მოხდა, თუმცა პოლიცია მათ შორის კავშირზე ჯერჯერობით არ საუბრობს.