"დაანებე პროფესორობას თავი" - შელაპარაკება აკაკი ბობოხიძეს და ომარ ნიშნიანიძეს შორის
პარლამენტის პლენარულ სხდომაზე ოპოზიციონერი დეპუტატის, აკაკი ბობოხიძის გამოსვლას სიტყვიერი დაპირისპირება მოჰყვა. დეპუტატმა პარლამენტის შესაბამის კომიტეტს მიმართა, სოფელ ჟონეთთან, მდინარე რიონზე ხიდის დემონტაჟთან დაკავშირებული საკითხი პირად კონტროლზე აეყვანათ. ხიდის დემონტაჟს ბობოხიძე ენერგეტიკისა და ინფრასტრუქტურის სამინისტროების არაკოორდინირებული მუშაობის შედეგად აფასებს. დეპუტატმა ომარ ნიშნიანიძემ ბობოხიძის განცხადებას სიცრუე უწოდა, რამაც "ნაციონალური მოძრაობის" წევრის გაღიზიანება გამოიწვია. მან სხდომათა დარბაზის დატოვებაც გადაწყვიტა, თუმცა საბოლოოდ ადგილზე დარჩა.