მარათონი კუს ტბაზე ბოსტონში მომხდარი ტრაგედიის სოლიდარობის ნიშნად - პალიტრა ვიდეო

ბოსტონში მომხდარი ტრაგედიის სოლიდარობის ნიშნად კუს ტბაზე მარათონი გაიმართა. გარბენს რამდენიმე ათეული მონაწილე ყავდა. მარათონს შეუერთდნენ კომპანიების წარმომადგენლები , რომლებისთვისაც მნიშვნელოვანია გარემოზე ზრუნვა და ჯანსაღი ცხოვრების წესის პოპულარიზაცია. მათ შორის - "მედია პალიტრა", "ვისოლ ჯგუფი", "ავერსი", "სნო", "ჰაიდელბერგ ცემენტი" და სხვები.

როგორც კუს ტბაზე შეკრებილები აცხადებდნენ, ისინი გმობენ ძალადობასა და ტერაქტს, რომელიც აშშ-ში სწორედ მსგავსი სპორტული ღონისძიების მიმდინარეობისას მოხდა. 

სოლიდარობის მარათონის მონაწილეებს დღეს აშშ-ის ელჩი საქართველოში რიჩარდ ნორლანდიც შეუერთდა და ქართველ ხალხს ამერიკელების თანადგომისთვის მადლობა გადაუხადა.

ბოსტონში 15 აპრილს სპორტული მარათონის მიმდინარეობისას, ფინიშის ხაზთან ორი აფეთქება მოხდა. ტერაქტის შედეგად 3 ადამიანი დაიღუპა და 176 დაშავდა.