ავღანეთში დაღუპულ ქართველ სამხედროებს პატივი მიაგეს - პალიტრა ვიდეო

ავღანეთში, ქართულ ბაზაზე თავდასხმის შედეგად დაღუპული ქართველი სამხედრო მოსამსახურეების ხსოვნას პატივი მიაგეს. ცერემონია ჰელმანდის პროვინციაში, ბაზა "ლეზერნიკზე" გაიმართა. თავდაცვის სამინისტროს ინფორმაციით, ქართველ სამხედრო მოსამსახურეებთან ერთად ცერემონიას ISAF-ის მისიაში მონაწილე სხვადასხვა ქვეყნის სამხედრო და სამოქალაქო პირები ესწრებოდნენ.

42-ე მსუბუქი ქვეითი ბატალიონის სამხედრო მოსამსახურეები - სერჟანტი ზვიად დავითაძე, კაპრალი ალექსანდრე კვიწინაძე და კაპრალი ვლადიმერ შანავა მეამბოხეების მიერ განხორციელებული თავდასხმის შედეგად 13 მაისს დაიღუპნენ. გარდაცვლილი ჯარისკაცების გადმოსვენება საქართველოში უახლოეს დროში მოხდება.