პრემიერმა არ იცის განსხვავება უშიშროების საბჭოს აპარატსა და თავად უშიშროების საბჭოს შორის - გიგა ბოკერია
რადგან პრემიერ-მინისტრმა არ იცის განსხვავება უშიშროების საბჭოს აპარატსა და თავად უშიშროების საბჭოს შორის, პრეზიდენტმა მიიღო გადაწყვეტილება, რომ ხვალ 4 საათზე ჩატარდეს სხდომა, მობრძანდეს პრემიერ-მინისტრი და მისი გუნდი და ვიმსჯელოთ რამდენიმე მნიშვნელოვან საკითხზე, - განაცხადა ჟურნალისტებთან უშიშროების საბჭოს მდივანმა გიგა ბოკერიამ. მისი თქმით, უშიშროების საბჭოს საკვანძო წევრი თავად პრემიერი ივანიშვილია. ბოკერიამ აღნიშნა, რომ სასურველი იყო "ეს ყველაფერი არ გამხდარიყო პოლიტიკური სპექტაკლის ნაწილი " და სამუშაო ვითარებაში მომხდარიყო შეთანხმება.