ავტოშოუს დროს მძღოლმა 17 ადამიანი გაიტანა
პოლონეთში, ქალაქ პოზანში, ავტოშოუ Grand Turismo Polonia-ს დროს უბედური შემთხვევა მოხდა. სპორტული ავტომობილის მძღოლმა მართვაზე კონტროლი დაკარგა და მაყურებლების რიგში მთელი სისწრაფით შევარდა. შემთხვევის შედეგად 17 ადამიანი დაშავდა, მათ შორის, ოთხი არასრულწლოვანი. დაშავებულთაგან განსაკუთრებით მძიმეა ოთხის მდგომარეობა, თუმცა ექიმები ირწმუნებიან, რომ მათ სიცოცხლეს საფრთხე არ ემუქრება.