წინა ხელისუფლების დროს ჩამორთმეული ავტომობილები მფლობელებს უბრუნდებათ - პალიტრა ვიდეო

საქართველოს პროკურატურა წინა ხელისუფლების მიერ უკანონოდ ჩამორთმეული ავტოსატრანსპორტო საშუალებების დაბრუნებას იწყებს. აღნიშნული პროცესი დღეს საქართველოს სხვადასხვა რაიონში ერთდროულად დაიწყება. პროკურატურა ამ ეტაპზე იმ ავტომანქანებს დააბრუნებს, რომლებიც სახელმწიფო საკუთრებაში გადაცემული ჯერ კიდევ არ იყო.

ავტოსატრანსპორტო საშუალებების კანონიერი მფლობელებისთვის გადაცემის პროცესი 12:00 საათზე ქუთაისში, 13:00 საათზე - აჭარაში, ბათუმის პროკურატურაში გაიმართება, პარალელურ რეჟიმში მოხდება იგივე რუსთავშიც, ნელ-ნელა კი პროცესი ქვეყნის ყველა ტერიტორიულ დანაყოფში გაგრძელდება.