რისგან გარდაიცვალა 19 წლის პაციენტი ღუდუშაურის კლინიკაში - პალიტრა ვიდეო

ღუდუშაურის კლინიკაში გარდაცვლილი გიორგი სამხარაძის ოჯახი კლინიკის ექიმებს დაუდევრობაში ადანაშაულებს. როგორც გიორგი სამხარაძის დეიდამ, მაკა სამხარაძემ "პალიტრა ტვ"-ს განუცხადა, მისი დისშვილის გარდაცვალების მიზეზად ღუდუშაურის კლინიკაში საავადმყოფოს მეხუთე სართულიდან გადახტომა დაუსახელეს, თუმცა, დეიდის ინფორმაციით, გარდაცვლილს არანაირი დალურჯების, დაზიანებისა და მოტეხილობის კვალი არ აღენიშნება.

გიორგი სამხარაძე 16 ივლისს ფსიქოტროპული ნივთიერების გადაჭარბებული დოზის მიღების გამო ღუდუშაურის კლინიკაში მოათავსეს. 19 ივლისს იგი კონტაქტზე გამოვიდა და დეიდას სხვა საავადმყოფოში გადაყვანა სთხოვა, თუმცა ამის მიზეზი არ დაუსახელებია. როგორც ღუდუშაურის კლინიკაში აცხადებენ, ახალგაზრდას გამოეხატა ფსიქომოტორული აღგზნება, ლოგინიდან წამოხტა და მე-5 სართულიდან გადახტა.