ბათუმის ბულვარში ელექტრომობილებით პატრულირებენ - პალიტრა ვიდეო

შინაგან საქმეთა მინისტრ ირაკლი ღარიბაშვილის ინიციატივით, 15 აგვისტოდან ბათუმის ბულვარის მთლიან პერიმეტრს 4 ახალი ელექტრომობილი და საპატრულო ეკიპაჟები ემსახურებიან. შსს-ს ინფორმაციით, ელექტრომობილები ბულვარში, 16:00 საათიდან 04:00 საათამდე მოახდენენ პატრულირებას. 

მათივე ცნობით, პოლიციის რებრენდინგის ფარგლებში, აჭარისა და ბათუმის საპატრულო პოლიციის ავტოპარკი "შკოდას" მარკის 21 ახალი, თანამედროვე სტანდარტებით აღჭურვილი ავტომანქანით შეივსო. ბათუმის საპატრულო პოლიციას კი გადაეცა 7 ახალი "მინი კუპერის" მარკის საპატრულო ავტომანქანა. ავტოპარკი ასევე შეივსო ელექტროტრანსპორტითაც და მას 4 ერთეული ე.წ. "სეგვეი" დაემატა.
ამასთან, შსს-ს ინფორმაციით, აჭარის საპატრულო პოლიციამ საზღვაო პატრულირებისთვის 1 კატარღა მიიღო.

პატრულ-ინსპექტორებს გადაეცათ: სამხრე ვიდეოკამერებით აღჭურვილი პოლიციის ახალი ფორმები, ალკოტესტები (პრომილეს საზომი და ბეჭდვითი ფუნქციით) და სხვა.