მექსიკაში ტროპიკულ ქარიშხალს მსხვერპლი მოჰყვა
მექსიკას ერთდროულად ორი ტროპიკული ქარიშხალი დაატყდა თავს. სტიქიამ ორმოცზე მეტი ადამიანის სიცოცხლე იმსხვერპლა. ქარიშხალ "მანუელის" გამო პოპულარული საკურორტო ქალაქის, აკაპულკოს სასტუმროებში 40 ათასზე მეტი ტურისტი ჩარჩა. გაცილებით სუსტმა შტორმმა "ინგრიდმა" კი მექსიკის ყურეში ნავთობის მომპოვებელი საწარმოების მუშაობა შეაფერხა. თავსხმა წვიმამ ქვეყნის შიდა რეგიონებში წყალდიდობა გამოიწვია.