"გადავარჩინოთ მწვანე საფარი" - აქცია ბათუმში
მწვანე საფარის და რეკრეაციული ზონების გადასარჩენად ბათუმში არასამთავრობო ორგანიზაციების წარმომადგენლებმა აქცია გამართეს. აქციის მონაწილეები სიმბოლურად ბათუმის ტექნოლოგიური უნივერსიტეტის შენობასთან შეიკრიბნენ, სადაც რამდენიმე წლის წინ აღნიშნული შენობის მშენებლობის გამო მრავალწლიანი ხეები გაიჩეხა. არასამთავრობო ორგანიზაციებმა პეტიციაზე ხელმოწერების შეგროვება დაიწყეს. პეტიციის მიზანია, ქალაქში გაიზარდოს მწვანე საფარისა და რეკრეაციული ზონების რაოდენობა.