X
ირაკლი ალასანიამ სამხედროებთან ერთად სროლებში მიიღო მონაწილეობა
15:13 / 21-10-2013
საქართველოს თავდაცვის მინისტრი და გაერთიანებული შტაბის უფროსი დაშავებულ სამხედრო მოსამსახურეებს შეხვდნენ. თავდაცვის სამინისტროს ინფორმაციით, ირაკლი ალასანიამ 2008 წლის აგვისტოს ომში, სამშვიდობო მისიებსა და სამსახურებრივი მოვალეობის შესრულების დროს დაშავებულ სამხედრო მოსამსახურეებთან ერთად, სხვადასხვა ტიპის ცეცხლსასროლი იარაღიდან სროლებში მიიღო მონაწილეობა.

დაშავებული მებრძოლები სამხედრო ცხოვრებაში ამჟამადაც აქტიურად არიან ჩართულები და საკუთარ გამოცდილებას ჯარისკაცებს უზიარებენ.

სამინისტროს ინფორმაციით, სამხედროებისთვის მსგავსი სახის ღონისძიებები მუდმივად ტარდება, რაც დაშავებულ მებრძოლთა საბრძოლო მზადყოფნის ამაღლებასა და მათ ფსიქოლოგიურ რეაბილიტაციას ისახავს მიზნად.

სამხედრო მოსამსახურეები პროტეზირების პროგრამას ამერიკულ კლინიკაში, ქართული მხარის ორგანიზებით გაივლიან. მათ მექანიკურ კიდურებს ბიო-მიკროპროცესიანი პროტეზით შეუცვლიან. უახლესი თაობის ელექტროკიდური სამხედრო მოსამსახურეებს რთულ რელიეფზე გადაადგილებას გაუადვილებს. წყალში, მტვერში, თოვლსა და ყინვაში გამძლე ახალი პროტეზი ჯარისკაცებს მეტი აქტიურობის საშუალებას მისცემს. რეაბილიტაციის კურსი ყველა სამხედროსთვის ინდივიდუალურია. სამშობლოში დაბრუნების შემდეგ ისინი საკუთარ ქვედანაყოფებს დაუბრუნდებიან და შეიარაღებულ ძალებში გააგრძელებენ სამსახურს.
ბოლო სიახლეები
Autoplay
პოპულარული
სამწუხაროდ, კუნძულზე ვირუსი სწრაფად ვრცელდება - რა ვითარებაშია გიორგი ლორია
მეცნიერებმა კორონავირუსის ორგანიზმში შეჭრის კიდევ ერთი გზა დაადგინეს
არის თუ არა უსაფრთხო სასეირნოდ გასვლა? - იმუნოლოგ ბიძინა კულუმბეგოვის პასუხი 
პანდემია შეიძლება დასრულდეს მაის-ივნისში, თუმცა... - ამირან გამყრელიძე
კორონავირუსით ინფიცირებული ექიმის მიმართვა, რომელმაც იტალია შეძრა - "არ არსებობს სიტყვები, რომლებიც აღწერს, რა გამოსცადა ჩემმა სხეულმა, სულმა და გონებამ" [ქართული ტიტრებით]
"პირბადეები გაიკეთეთ, რა, მე კორონადან გამოვედი" - ექიმი ჟურნალისტებს
საშიშია თუ არა კორონავირუსი მათთვის, ვისაც გლანდები აქვს ამოჭრილი?
"იანვარში მქონდა ეს ვირუსი" -  კომენტარი, რომელსაც სოციალურ ქსელში დიდი გამოხმაურება მოჰყვა